Ove se godine u sklopu Mjeseca hrvatske knjige u našoj školi održalo četvrto po redu natjecanje Ča čitalnica, natjecanje u čitanju čakavskih tekstova. Imali smo priliku uživati u književnoj umjetnosti iskazanoj čakavskom besedom, stoga vam donosimo jedno od književnih ostvarenja, autorski rad učenika Berta Vosille, jednog od nagrađenih u kategoriji od 5. do 8. razreda.
Štorija o mane, Berto Vosilla
Ja san Berto Vosilla i danas ću van povedet štoriju o mane.
Rojen san 16.12.2013. na četire ure zapolne.
govori moja mat da j´ to bil jedan lep pundejak.
Zame se j´ feštalo jeno par dan.
Moj otac se jako štimal.
Od mićeh nog san bil va lehah, maslinah i va velen dele.
Semu temu velemu delu navadil me je nono.
Kad je rabilo kopat tu san bil,
Kad je rabilo set tu san bil,
Kad je rabilo grozje mastit za vino storit i tu san bil.
Kad san bil malo veći mej nono navadil kosu brusit,
a malo za ten kosilicu zapalit.
Vrah nan ni dal mira pa smo šli trahtor zapalit
i po sele prašit.
A moja draga mat kroz poneštru gleda i misli
Viš ga moj artižan.
Mame san sramot storil kad san lagal da neznan boji ni broji
Samo zato aš za školu ni bilo voji (kot ni danas).
Škola nikad na prven meste, više san z motorićen po ceste.
O puste san vesel ko tić
i samo da je bubanj, činela i bocunić.
Nikad me ni doma i mat mi govori da mi krov smrdi!
Evo, judi, to san van ja i ne moren boje od ovega!
